باسم الله بديت 06

- يا قلبي لا تضيق فرج الله قريب اللي في السجن يطلق ربي سراحو واللي في الضيق ربي يفرج عليه وان شاء الله في هذا رمضان يزول الضيق وتحنن القلوب.
- سباط حبيبي مملي بالغبار لو كان ما نشوفوش كل يوم تشعل فيه النار الناس تعشق في الزين وأنا عشقي في رمضان الكريم.
- السماء ما تضويه غير الشمس والماء ما تغليه غير النار الشفر ما يزينو غير الكحل والخد ما يواتيه غير العجار والرجال في جميع البلدان ما ريتهم يعشقو غير البنات الصغار.
- قولو قولو ياللي قولكم هواء أنا بنياني صحيح وقنديلي ضاوي كل من يبني ينيان يطيح وأنا بنياني صحيح يسجالي.
- لالة يا لالة فوز على فوز يا المربية على السكر واللوز واش من نهار يجي الحنين نرفدلو ليزار ونقولو يا سيدي جوز.
- كي يجي الصيف الفرح يفتح وما يفارق كل دار وكي يعسعس الليل القمر يتفضح بانوارو هذوك الخدود يا ناس واش بيهم عكارو هيهات العاشق ما تخفى أسراره.
- عمتي يا عمتي وشبيك زعفانة إذا بيك على الماكلة راني شبعانة واذا بيك على الخرجة راني عيانة ويلا بيك على ذاك الشباب ما نديه غير أنا.
- جابولي خلخال ذهب وخواتم المرجان يوم الفرج راهو حل عليا والسعد راهو جاني ما بين يديا.