باسم الله بديت 21

- خرجت وحدي في اليل وخرجات اليل صعيبة انسيت المحنة والويل اتفكرتك انت يا الحبيبة.
- حب الملوك جاني مغلف في اوراقه انا وحبيبي في بلاد واحدة والقلب مشتاقه
عديان الجبال خطبت بنت الرجال والي يقول كلمة في البنية عند الصبح تبان
- حليت باب الجنان لقيت الملاح رقود تنهدت الدالية وتحرك العنقود قال القمر فالسماء نكشف على السحاب يذوب خلي الحبيب لحبيبو والي في قلبو حاجة الله يبلغ المقصود.
- نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي اداوه عليا قلبي معاه وقلبو معاهاع هيا
يا لي جايا من العين وبيدك مليتي السلة سبحان من اعطاك ازين وزاد في بهاك ذيك الحلة.
- النور يا النور والنور عينيا طبطبوا على الباب وجابولي اللي عزيز عليا راني نتمنى من ربي يجي يطلب يدي من مالي.
- جاز علي شباب في يده منديل ازرق وششيته معنقرة ولبسته تبرق عليه نسمح في الولد وعليه نطلق وعليه نخلي البلاد ونردها خندق.