بوقالة سكوب

برج الحمل
-هبط لقاع البحر، فرّشت زربية، خرجت لي جنية، قالت لي واش بيك يا بنية؟ قلت لها راحوا حبابي وخلاوني وحدانية.
برج الثور
-لو كان السعود تنغرس بالعود نغرس ميات عود في وطيّة، لكن السعود بيدّك يا معبود يا سقام السعود سقم لي سعدى.
برج الجوزاء
-طلعت للغابة، صبت الضّرو يابس، قتلوا يا ضرو القمر يمشي ولا حابس، قالي مفرش زربية وحذاه طاوس.
برج السرطان
-رشّيت عتبة الباب بالزهر والطّيب، وسقيت كل الأحباب بالعسل و الزبيب، وكي نسيت جاني جواب كنت نستناه من عند البعيد.
برج الأسد
-مدّيت لقاع البير وفرّشت زربية، حرقست حرقوس ذهب من راسى لوذنية، فرحي يا يما سعدى زها ..واستشفاي في العدو إلى استشفي فيّ.
برج العذراء
-يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
برج الميزان
-ديديو..ديدو..أنا سعدي مليح، قنديلي ضاوي، البنيان إلى بنيتو قع سجالي، بنياني فوق غرفة ولي يخصني يكملهولي العالي.
برج العقرب
-عسل يا عسل في باقة خضرا، يا شميمت العاشقين يا قمرا، حلف سيد الملاح ما يرأس أمر غير إذا جات غزالته باش تكمل الحضرة.
برج القوس
-الدالية دلات ..و دلّ العنقود، خلي القمر ينكشف، والسحاب يذوب، و خلي لالات النسا تنال المرغوب.
برج الجدي
-خرت نهار الجمعة، في يدى شمعة، قالولي أمسحى ذيك الدمعة، وانساي الخلعة، قريب يتلموا احبابك وصحابك ويفرحوا معاك الجماعة.
برج الدلو
-لناس تنده بالرجال والوالي، وانا ننده بربي العالي.
برج الحوت
-حوم حوم يا حوام، حوم فوق السطح العالي، وقول لها يا لالة يا زينة لبنات وخدودها براقة، وعيونها غرّاقة، صارت كل القلوب ليها سبّاقة