الشيخ ابو عبد الله الفرسطائي

ايلولد جبل نفوسة القرن فيد اكس هجري يبدى اعزامس اغرم نفرسطاء ايتوسمى سس يبدى اعزامس اغرمو امبعد اسافر غال مناو اغرمان ايولماد دوعزام ما ن يبي يغلب نالعلوم سوفس نمناو انعزامن دمقرانان نالوقتن.
ابوعبد الله اتوغ اعزم اخدم يتوغ دخ اتسفار جار اغرمان ا تاوي اقت تصرعوفت نالغنيمس اسرحتان جار جبل نفوسة دواد ريغ ال اغزر نلمزاب
ادقل غرس الفضل نوؤسس النظام نعزابان اغلان. الفكرة تبدى سوفس نقت ترباعت ننعزمان نوغرم نجربة اسوترن سابو عبد الله اسلفي نقت ترباعت نوعزام دونشار نالعلم دالمذهب الاباضي مان يقم الشيخ المدة ناكس ايارن انت اتوجد النظامو دالاحكامس دالشروط نوتاف الحلقة سومعاون نالشيخس فصيل بن ابي مسور سومن اتوسان النظام سالسيرة المسورية البكرية.
يبدى اطبق نالنظام لجوايه نتوقرت سوسلمد دوسعزم دونشار نالمبادئ نالمذهب جار مدان اموني لجوايه 1018 ميلادي 409 هجري.
الشيخ ابو عبد الله اتوسان سوساحي امغر اتسافر يغلب جار جبل نفوسة غال جربة تونس غال وادي ريغ وارجلان دغزر نلمزاب.
اماشي ادسلف الشيخ اقن اوسقم نتسادنان ايجرو تنعزامين ددباب نالعلم اوسوض نتكيردة نالاسلام غال ايولوا تمو . ستنعزامين ادفغنتد سوفوسس ام البخت ادوتماس اعزمنت النظام دالسير دالمبادئ نالسيرات .
النظام زذغ يلا اطف غال اماروا السر نوقمس دين الاصل نالنظام الان دالساس نتمدورت اويد تضفوين توحديين غال تمدورت نمدان اجار نمراو نلان.
سنلمادن امقرانان ادفغان سوفوس نالشيخ ابو عبد الله ابو زكرياء يحي ديونس تروى نابي زكرياء . ابو العباس احمد ابو بكر بن يحي .يعقوب بن يعدل.ابو الربيع سليمان.
الشيخ ابو عبد الله اوض لجالس اسقس 440 هجري 1049 ميلادي اتونضال تنضلت قدام غارة اجلو.