ماما بنت سليمان - تنعزامت نوغلان-

توني دقت تمطوت تسجل اسمس امزروي نالاسلام سون اتخدم تمدورتس توني دقت ستماطات نغزر نلمزاب اسبلنت اماننسات اوخدام نالدين .
ماما بنت سليمان تلولد اسقس 1830م 1280ه اغرم نتغردايت تتشرد اماسنقت تواشولت تطف تصرت نيوش امقران تطف دالدينس تبدى اعزامس اغربازن نتوات ال تعرض القران تبي يغلب نالعلوم نالشريعة داللغة دالنحو تعزمالمؤلفات نالشيخ طفيش دقناطير الخيرات دالسيرة نوسر نيوش امقران سوفوس نمناو انعزمان امقرانن انا الشيخ بابكر بن مسعود دالشيخ بهون بن موسى الشيخ الحاج بكيربن عمر دمناو اضضنين.
تسقضع العمرس اماس نوعزام دولماد ترزم تدارتس اوسلماد دسحفظ نالقرانامزانان دسلمد نالعقيدة اش اسبي اتسدج مناو اجرون يد تماطات اواعظ دسلمدنسانت لمور نالديننسات.
توتف ترباعت نتمسردين تغردايت اسقس 1324 ه تطف المسؤولية نونهى فالمنكر مع احسس نالعالم نتسادنان اويجور ابريد نيوش امقران مع احارب نالجهل دقاع ابسون الان تخالافان الدين دالشرع تمصالح جار مدان جار تواشولين تدولد دقت ستنعزامين تزعلاك اغرم نتغردايت اتوشوار اش تتشلت فمناو لمور نالدنت دالاخرة سالخبرة اتب تمدورتس مع اطبق نلوامر نتمجيدا فون اعنان لعراس دلهراجات اضران اغلان جار تسادنان.
توغ تشلان غفس دكل بيلا شرى دالواسطة جار اعزبان دالمجتمع نتماطات اموني سومعاون يد مناو تنمرين تضضنتين اسبلنت اماننسات اوخدام نالدين دالامة.
اند الشيخ ابراهيم القاريدي اقت ستكرداونس ‘ تجبى ماما بنت سليمان فقن وجرو ايزعلك نتسادنان مفهامنت دس ابدي دوعاون نمجاهدان ضد فرنسا مع اقاطع قاع السلعي نفرنسا مع اعاقب اش حد اخالف لوامر نتمجيدا اموني سوكليس البراءة نمسلمان. وني دقن سالمواقف نماما بنت سليمان تمدورتس ضد الاستعمار .
اماشي اترس قاع لكتوبس دون تكسب الحبوس باش ادستنفع سس حد وضضن ترني تواصى بعد تماتانتس اسغى نقت تدارت اماس نوغرم توسبلب دلحبوس اتمجيدا اوعزام دسلمد دولماد دقت الصدقة جارية اتقم تخدم غفس ال اقدى نالدنت اويت يوش امقران دالامانة اسن 29 درمضان اسقس 1349ه 1893م اموني بعد اتعزم الخطبة نالعيد اسن امزار نشوال.
ماما بنت سليمان دقن المثال نمناوت تسادنان تضضنتين الانت غال اماروا اغلان تعافرنت دجاهدنت اوسوض نالعلم دالدين بالخصوص اماس نتسادنان الانت لاش غرسنت انشان انورجاز اغلان.