العيذ امزيان ذي باثنت يعدّ سالخير اذلهنا

اعدا العيذ امزيان ذي الولايث انباثنت سالخير اذلهنا ماني ارقين اشاوين اساناي نالعيذ تزورن لماليث انس وتروحان ثمقبرين اتفاكر لهل انس اقلا موثن وتمسماحن مليح مليح، وقين السيرث نالرسول محمد صلي الله عليه وسلم ماني اقنا بلي العيذ ذالفرصة بشام اذمسامحن يوذان واتغافرن ابعضاسن.
وقبل العيذ التان لعوايل سالقاطواث ذالقش نالدريث ماني ادرقين اقشيشن اس نالعيذ امتنوارين اترران ستنفايخين وسالألعاب لباس تعبارن فالفرحث انس.وذي الوقثاي بذون اسيطن يوذان اتزومن ستيام انشوال ماني اقيمنت الاجواء انرمضان العظيم ورعان الانت ذي لباس نموكان ذي باثنت سيرتو ثحونا نالزلابية والسبيرتاث وثحونا نالشوا وتمورقي انيط.
ثغاوس ثيشت اسقاس ثحلا مليح نتا ثحونا اقلا رزمن والكيران والطاكسياث اقلا اقورن مشي املعوام اقعدا نماني ادخلط العيذ واذقفل كلشي، اسقاس الولايث انباثنت ثوجذ اماننس مليح ايذ نالمدري نتجارث والترنسبور اقلا خير 800 نتاجر نشوفور بشام اذخذم اسان نالعيذ نورمال واذوفرن المواطن الحقنس ذي النقل وذي التجارة ماني اقا الجرنال ن الشعب دورث ذي باثنت ويوفا كلشي يرزم سبيرتاث اجزارن، احفافن، الدواش الترنسبور كل الخير يلا.
المواطنين اننانغ بلي ثغوسوناي اقلا ثقيهنت الولايث ثحلا خاطر العيذ ذالعطلة ويحلا ذيس احوس والزيارث نالفاميلت ولازم اذيلنت ثحونا رزمنت.