الدورو ربح الأورو

إبليس
-يا الشيخ النوي ماشفتكش البارح في السكوار.
-واش صرى ثاني يا وجه المصايب؟
– معركة كبيرة يا جدك.
– المعركة هاذي ماتكون غير كعملية ترحيل من رحلات زوخ.
– ااواه راك غالط واش دخل زوخ في السكوار القضية اقتصادية مالية يا النوي.
– روح يا الفاهم الملعون فهمني.
– شوف المعركة صرات بين الأورو والدورو, لما الأول استدعى الثاني وقالو ارواح يا رخيس زعف الدورو ورد عليه وقال ماكانش رخيس كيما أنت.
-ايييه او مبعد؟
– اضحك الأورو وقال لو كان ماكش رخيس مايبدلوش 19 منك بواحد كيما انا, هنا زعف وتحزم الدورو وقال أنا صح رخيس بصح وين تروح نجيبك وقد ما تغلى نشريك.