الهى في البلدية نتاعك وخليك من مصر

يظهر في هاته الصورة كل من مير دار الأسدين زينو ووالي وهران عبد المالك وتظهر الصورة التي التقطها زيط بيط بنفسه في الخرجة الأخيرة للوالي مع وزير البريد والمواصلات وبحكم أن زيط بيط كان ضمن الطاقم الصحافي وكان قريبا جدا من الرجلين استطاع إن يطلق "البرابول" نتاعها واليكم ما دار بين زينو وبوضياف...
الوالي بوضياف: واش زينو كاش جديد على الساحة السياسية
المير زينو : السي الوالي في وهران الدعوة هانية بصح في مصر راهي متزاقية
الوالي : ما زال راهم متظاهرين اليهيه...يقصد في ميدان التحرير
المير زينو: لز عندي باش ما يسمعوش بيني وبينك أنا راني متضامن مع جماعة ميدان التحرير راني في اتصال مع الفنانين المصريين بصح راهي في خاطري لو كان تخليني نروح باش نوقف معاهم ونشجعهم.
الوالي بوضياف: ريح هنا وين تروح أنت "اس12" أحصلت فيها وراك باغي تسلكها في أم الدنيا.
الوالي بوضياف: اخطيني من مصر احكيلي شا راه صاري عندك في البلدية
مير زينو: كما قلتلي سيدي الوالي قاع الملفات والصفقات ألي كانت راقدة في وقت بن قادة رانا بدينا فيهم.