باسم الله بديت 11

- محبوبي بعيد، بصح عينو ما تغيب عليا .دايرلي عساس على الباب باش مايطمعوش فيا، وأنا بعثتلو قلبي يحرسو ويخليه لي..
- شجرة الياسمين نايضة في وسط الغرفة عروقها سكنجبير وغصانها قرفة، والله ما ننساك يا زينة الوقفة.
- دارنا عالية في وسطها دالية وعلى طرفها عنقود عنب، وبيها صنادق الذهب تدخلها محبوبتي مربوعة القد زينها عربي نحط عليها اليد.
- اللي راهو في بالها راهو في بالك. واللي تبغيها راهي على جالك والعدو باذن الله يبكيك خير من اللي يضحك عليك.
- جاري يا جاري بنتك شعلت ناري راني جاي للبيت نقصد باب دارك نخدم عليك ونصرف الغالي وعلى بنت الرجال نخسر مالي.
- إذا طاح الليل النهار راهو يطلع. إذا كثر النحاس الذهب هو اللي يسطع وسيرتك كي العطر بين الناس، قاعدة وكي السلطان متربع.
- دخلت لقاع البحر وأنا مازالني صغيرة، خرج ليا حوت قالي بلا بيك نموت ونجيبلك الياقوت، قوتلو خليه سر بيناتنا غير ما تعليش الصوت.