ما تساومنيش

على بلادي
ماتساومنيش أرض اجدادي
ما تساومنيش هذوا اولادي
ما تساومنيش
عرضي ما يتباع ما يتشرى
ما نرضى الحقرة تتبعني
واحد ما يقدر يمنعني
ما تساومنيش
يا وطني قطعة من قلبي
نفديك بعمري وروح دمي
نارك شعلت ندعي ربي
دمعي ع الخد باين همي
ما تساومنيش
اولاد بلادي لحمة وحدة
عربي مزابي قبايلي وشاوي
كلنا خاوة يدنا وحدة
التارقي الشلحية والشنوي
ما تساومنيش
الجزاير اختي امي وبابا
ما تهدمني هذا وطني
ما نحب عدو يكونلي صحبة
ما تخدعني باعد عني
ما تساومنيش
خاوة خاوة كفانا عداوة
ما تبقى في قلوبنا فرقة
يدي فيدك روحنا صفاوة
طفي نارك تطفى الحرقة
ما تساومنيش