البحيرة نالسبخة نوغرم ناالمنيعة

سموشان ابهان الان دتم نالولاية نتغردايت غرس انشان المحيط دالبيئة دين البحيرة نالسبخة الان توسد ازغار نوغرم نالمنيعة الان تدجوج سوغرم نتغردايت اقت 270 كلم غال وداي ابريد نتميمون.
البحيرة دس لجوايه 24 كلم مربع اتشمر لجوايه سان نلمليان متر مكعب نومان اجرون تميو غرسان دسقسان مان اسقس 2004 البحيرة توصنف الاتفاقية نرمسار باش اتلي دنشان الان يلزم احافظ غفس سايولو ابسون الان اتخنران امان بالخصوص امان اوشتمان.
ادباب نالبيئة اسقسن امدجورا زاقان اوقرى نلحساب فنجال نالخطر الان اتهدد امان نالبحيرة الان دنشان نقاع اطانان دوفسى نومان اوشتمان اماس نالبحيرة .
سالباحثين الان انده احرش نالبيئة احمد سيقع الان اتشرند ادسان نالبحيرة مان يوف بل يغلب نالاخطار الان اتهددن امان نالبحيرة اسيرام امعالت نوف نقن الحل اتالوفت اتسضورت البيئة دالجو مع اجوضاض اتاسند ساوربا يغلب اسسان اتماتاتن فنجال نطانان الان اماس نالبحيرة.
سومن ادموان دسرابس نالولاية سادجان مناوت المحطات نوصافا نومان ايالفايدة نالبحيرة اش اسقس للوف نجوضان اتاسان ستمورت ناوربا امار نتجرست دصماد ما ن تافان البحيرة الحمان ددفاء دقاع التاولات نلمعاش اسحقان ال لجوايه نافريل افريل ماي ادبدان دقلان غال اوربا امار نومنكز نصماد .
تنغلافت نتزمارت تند بل دزير يلا دس 50 نموشان توصنفن القائمة ترامسار سقت المساحة2.99 مليون هكتار. اماشي يلا تعافرن دغ اصنف نمراو نموشان اضننين دزير باش اتلي المساحة غال 3.5 مليون هكتار.
اونسونجم بل الاتفاقية نوحافظ فموشان نومان الدنت اتوسانيا اسن 02 فيفري 1971 اغرم نرامسار ايران مان دزير تسانيا الاتفاقية اسقس 1982.