التجربة نوربي نتززوى دالولاية نتغردايت

تدوليت دالكثرة نتداقين بالخصوص تزدايت يج مناو اكرزان دباب نتمورت باش اداتفان التربية نتززوى انغ النحل دمناوت تمو نالولاية نتغردايت. امضان نكرزان الان ترابان النحل اوض غال 165 اما الغلة نتمامت توض اسقس2012 لجوايه 90 قنطار اما امضان نالخلايا نالنحل يقضع 2315 اسقس 2012 بعد ايتوغ 34 اسقس 2003.
اوسزعم نالغلة نتمامت جرون اكرازان اماننسان اماس نقت التعاونية خدمان يد اكرزان نالتل بالخصوص اكزران نالمتيجة دالجلفة دالمدية .ستمشراس اوفين ارب نتززوى القلة نوسون احرش نورب الان يوعر يلزم اديلي بنادم يحفظ يغلب نلمور اعنان اقابل دلمعاش دوداوى مع اطانان اهلكان يغلب ادباب نالنحل . ستمو الان يولي دس امضان نكرزان اترابان تززوى اغرم نلقرارة اتاوض دس الغلة غال 30 قنطار امناو لرهاط نتمامت فنجال نالوجد دالكثرة نتداقين دتزدايين اما امضان نن اتربان تززوى اقضع 150 يغلب اسسان دالمهندسين ددباب ننحل اعزمان المعاهد تكرزت جار بومرداس دالبليدة. اماشي اناف التربية دخ دمناون تمو مزلفانة دالمنصورة دحاسي لفحل فنجال نالفايدة اوفين اكرزان الغلة توحديت الان لاش المثالس اتكلي تززوى مع الفايدة الان تداقين دالغلة نيغلب لرهاط الان تنري.اغرم نتغردايت بدان دس مناو اكرزان التجربة نورب نتززوى سومعازن يد مناوت تدشلوين نالمتيجة دالمدية دتيزي وز التجربة تود ابدى امزوار تضفوين توحديين امبعد يبدى اقن ودوال غال دفر فنجال نمناوت تمشراس انالقلت نالوجد نالتاولات ددواوات دوكثار نطانان ايج يغلب ادبطلان اربى نتززوى .