التحالف الوطني للمحافظة على الفساد

بقلم: الشيخ النوي
-يا بليس واش بيك؟ واش هاذ العنوان… هبلت؟
– هاذي قولها لعمرك، لوكان جيت في بلاصتك نحشم.
-علاه نحشم راني نقطع في حوايجي؟
-اسمع ا سي نوي والله ياالشي لي راه يصرى عندكم ماكاين مثلو عندنا احنا الشواطن، يا صاحبي ما كنت نظن بلي مستوى الفساد عندكم يوصل لهاذ الدرجة.
-يا بليس ياخي قلتلك اخطينا من التفلسيف قول واش كاين وخلصني.
-منك صح ؟ الشي لي شفتو انا وياك البارح ما كلاكش قلبك.
-على من راك تمعني؟
-الزيارة نتاع البارع لي كنت فيها انا وياك ما لاحظت والو؟
-واش لاحظت يا سي بليس قولي؟
-والله واش قالو فيكم الملايكة ما غلطو تفسدون في الارض, وصلت بيكم الامور الى انو يتفاهم المير و شاف دايرة والوالي والمقاول وبي ابي وي على راس هاذ الشعب القليل والله عيب عليكم الله لا تربحكم.