لافرييك يا وليدي

ابليس
الشيخ النوي
بقلم : عامر دراجي
– ماشفتكش في نادي الصنوبر هاذ اليومين يا النوي.
– ياخي علابالك انا من المغضوب عليهم.
– علاش كاين المغضوب عليهم بيناتكم والضالين؟
-هاهاهاهاها ضحكتني، بليس تاع الصح.
– راحتلك زردة من النوع الرفيع، ماتلقاهاش في ألف ليلة وليلة.
– والفايدة يا درى؟
– الفايدة؟؟ هاهاهاهاها علاش كاش نهار سمعت الافارقة جابوا لفايدة؟
– واش بيهم الافارقة يا الملعون ماعجبوكش وقيل؟
– عجبوني الله يبارك، بصح قولي راك تكذب علي ولا على روحك؟
– وين هو الكذب 40 دولة اجتمعت في الجزائر من اجل تسريع عجلة التنمية وربط التعاون جنوب جنوب.
-هاهاهاهاهاها الشيخ النوي ما زال يامن بالغولة هاهاهاهاها ياو افطن هاذي لافرييك يا سي.