بوقالات6

بيونة جزت على جنية، قالت لي شكون انتيا، رديت وقلت أنا بيونة الولية، قالت (بوه عليا حسبتك شرطية ولا واحدة من الجدارمية.. على واش راكي تحوسي يا الولية)، قلت لها ماني نحوّس لا على مال ولا على جاه، حقروني وغيبوني، نحوس برك واش ضيّعت يولي ليا.
*
نادية (المنشطة التلفزيونية)
*
خرجت من الفاس، دايره الداح ومقياس وازويجه ملخراص، قالت أنا وحدي نشعل الشموع والباقي ماعندهم معايا بلاص، هدات وذنيها للي عندو الزهر ايجي يديها، واللي ما عندوش يقعد يقابل فيها، يشوف برك ويدعي عليها!
*
*
سيد أحمد قناوي
*
ياخاوتي ياولاد العموم، عدياني فرحولي في محنتي بصح الدنيا أدور والشده ماتدوم، ياو عشنا وشفنا، واللي ما عاش وما شاف غير يروح يعفنا!
*
*
بهية راشدي
*
يا حسراه عليا كي كنت بكري، الزمان دار عليا، حسبت روحي فاتن حمامة نتاع بلادي حتى جات الهام شاهين تمسخرت بيا، الله يرحم راشدي في ذيك الرقدة وأنا نخلف ثاري ولا مانيش بهية!
*
*
نوال زعتر
*
رشيت باب داري بالعطر والزعتر، قلت النحس مين جاني حتى وليت في كل خطوة نتعثر، قالولي بيك العين وزادك حبيب القلب عنتر، رديت وقلت مازال ليام الزاهية تولي ونعود في التلفزيون نمشي ونتمختر، واللي ما يحبني يروح يبيع المعدنوس في الحميز ولاّ في عزّ الصيام يروح يفطر!