محنة تنسي محنة

حوار إبليس
الشيخ النوي

–صباح الشر يا إبليس.
-هاهاها اول مرة يصبح علي بنادم, المهم صباحك وارباحك ومئة نعجة في مراحك.
-من المئة خمسين برك فيها بركة.
-واش تحوس صباح ربي؟
-حبيت نسقسيك كاش اخبار على زعيبط راك ماتكلمتش عليه؟
-واش حبيتني نقول هاذ الأمور ماندخلش فيها خليتها بيناتكم اتاكلو.
-بصح لالا على الأقل لمحلي رحمة ربي كاينة منها ولا لالا ؟
-يا الجايح شكون قالك رحمة ربي ماكانش كاينة في كل وقت وفي كل مكان برك انتوما الجزائريين عندكم التابعة ماتخطيكمش إلى أن يرث الله الأرض ومن عليها من مولاي الوعد الصادق للخليفة بلحمر لزعيبط ومحنة تنسي محنة حتى للقبر.