روطار للطيران

إبليس
الشيخ النوي
بقلم عامر دراجي

-الله يبارك في الجزائر وشعب الجزائر.
-أمين يارب هذا دعاء زين مع الصباح يا بليس.
– والله شفت جميع بلدان العالم ماشفتش عجب كيما لي راه صاري عندكم.
– العجب لي شفتو يفرح ولا يبكي.
-مايفرح مايبكي تبقى بلا راس وحاير في بلاد الجزائر.
-بديتنا بالألغاز, فهمنا وفهم روحك.
-السيارة في الجزائر أسرع من الطائرة.
-هاهاهاهاها هاذي محاجية ؟
-لالا يا النوي هاذي حقيقة كاينة غير في بلادكم.
-احكيلنا يا بو الحقيقة.
-واحد المخلوق يسكن في العاصمة توفى ربي يرحمو واهلو ساكنين قسنطينة, لي جاء بالسيارة لحق بالجنازة ولي جاء في الطيارة مالحقش.
-كيفاه صرات هاذي ؟
-العائلة انقسمت على زوج و انطلقو في وقت واحد على التاسعة صباحا أصحاب السيارات وصلو على الواحدة ظهرا ولي ركبو الطائرة دارت بيهم الروطار وصلو للمطار على الثانية واحسبها انت كل عطلة فيها خير هاهاهاهاها.