السمنة في الجزائر

ابليس
-يا الشيخ النوي مبروك عليكم
-علاش كاش جديد يا الملعون؟
-ماسمعتش بالعيد الوطني للسمنة؟
-لالا ماسمعتش، وين هاذ واش من بلاد؟ الكويت هي لي تعاني من هاذ المرض بالاك دارت عيد.
– لالا هذا في بلادكم عيد السمنة يوافق يوم 26 نوفمبر من كل عام، هذا اقتراح بوضياف وبن غبريط و الغازي، ولوكان غير تزيدو عيد للشر، فكروني في زوج مرضى راحو للطبيب واحد مريض بالشبعة والاخر مريض بالشر، الاول دواه عند الثاني، والثاني دواه عند الاول.
-كاينة صدقت يا ابليس وانت الكذوب.