بوقالة سكوب

برج الحمل
كنا انا وياك متحابين... ورجع قلبي مجروح منين كلمتيني وقلتيلي روح... يعيا ربي يبين الصح... وباب الخير ينحل علينا.
برج الثور
ياخاوتي ياولاد العموم ... الدنيا الدور والشده ماتدوم... والحال خليه على حالو... واللي مكتوب في الجبين تشوفو العين.
برج الجوزاء
اذا طاح الليل راهو يطلع... اذا كثر النحاس الذهب هو الي يسطع... وسيرتك كي العط بين الناس... القعده زينة وكي السلطان متربع.
برج السرطان
من صاب ياربي دار بلا جيران، ومن صاب ياربي بيوت بلا بيبان، غير انا والحبيب نذكرو في اللي كان.
برج الأسد
ياما مشيت وسافرت، والهم ديما ورايا، صرالي كي عرجون التفاح، عطشان والماء حذايا.
برج العذراء
اصلك اصلك وماينفع غير الصح، مولاة النيه الصافيه عليها ربي يفتح... تطول ولا تقصر ايجيه السعد والربح .. ان شاء الله.
برج الميزان
طلعت للسطح وفرشت زربية ... حرقست بحرقوس الذهب حتى لوذنية افرحي يايما سعدي ولالي ... نستشفى في لعدو كيما يستشفى فيا.
برج العقرب
خمري ياخمري يالي عايروني بيك... انت حبق في السطح وانا نجيك نسقيك... انت نجوم في السماء وانا ننظر فيك... انت خاتم في يدي وانا نبرم فيك... نحبط لقاع البحر نرمي عوام عليك... والي غلب يديك.
برج القوس
شجرة ياسمين نايضه في وسط الغرفه... عروقها سنجبير وغصانها قرفه... والله ماننساك يازينه الوقفة.
برج الجدي
عيطت على سيد الملاح ... حسبت الناس رقود ... تزعزعت الدالية طاح منها عنقود ... النجوم قالت نكشف والقمر قال نذوب ... اصبر ياقلبي ياك كل شيء مكتوب.
برج الدلو
لو كان السعود ينغرسو بالعود ... نغرس ميات عود وعود في وطيه وحدي ... لكن السعود في يدك يا معبود ياسقام السعود .... سقم لي سعدي ... الناس الكل بحبابهم ... وانا غريب وحدي.
برج الحوت
غرست ياسمينه في وسط الدار... عروقها سنكجير واطرافها زنجار... يما يايما محلى عشق الجار... العين تخزر في العين والقلب شاعله فيه النار.