الحكم واعر...

زبانية المعارضة بعد أن أحرقوا واحترقوا في غابة رياض الفتح قاموا من تحت رمادهم خاصة بعد أن جاء سلال لنجدتهم بعد أن غطى الدخان كامل المدينة وأصروا أن تذهب الحكومة إلى الجحيم وأن يذهب معه بوتفليقة أيضا.
صرخ فيهم سلال ..هبلتو بوتفليقة إلى الجحيم؟
قالوا جميعا ..نعم
قال...من يقف وراءكم "أشكون حرشكم" ومن هذا الداسوس الذي يدفعكم لقول هذا الكلام؟
قالوا...لا أحد "حرشنا" نحن نتكلم وفق مبادئنا وما نراه صائبا لهذا البلد.
صاح فيهم سلال ..واش راكم حابين هبلتونا.
قالت نعيمة ....أنت تروح ووالوزراء تاعك يروحو وبوتفيلقة يروح
قال مقري...والغول يروح أيضا
صرخ سلال من جديد ..صحيح أنتوما معارضة كرطونية واش هذا السوق؟
قالوا ...علاش الدعوة صعيبة ..ما تروحوش
قال سلال ...هنا رحنا أشكون يحكم البلاد؟
صاحت نعيمة ....أنا نحكمها يا خي قلت نقدر نسير عشر بلدان.
غمز مقري لأصحابه ..واش نعيمة مازالك تهدري على الحكم
قالت...والله ما تديها يا واحد الخوانجي
ضحك سلال ...أواه ماراكمش متفاهمين
قالوا ...لالا هذه مشاكل داخلية برك خاطياتك أنت
قال ...هيا روحو اتفاهمو وارواحو تديو الحكم من بعد.
تفرق الجميع وكل يحمل الزعاف في قلبه للآخر وكل من المجتمعين عينه على كرسي المرادية حتى الوزراء والمعارضة والوزير الأول ..كيفاش تفرا.