رول رول يا البترول

الشيخ النوي
إبليس .. واش النوي سلامات حفرة بن عكنون ؟
-سلامات, والحمد لله على كل حال.
– واش ؟ كشما خرجلكم من الحفرة؟
– واش رايح يخرج ؟ واش قصدك بهذا السؤال يالملعون؟
– أنا قلت بالاك البترول يخرج في حيدرة وبن عكنون، وهكذا تنقص تكاليف الإنتاج وتقدرو تقاومو السنوات العجاف.
– راك تشفى فينا يا ابليس؟ والله غير عيب عليك وزيد هذا رايك تبعناه واليوم ولينا مضحكة عندك من المفروض تشوفلنا الحلول ؟
– الحلول؟ ريسانكم اخشان اعطيتهالكم كذا مرة ولا حياة لمن تنادي.
– ذكر أن الذكرى تنفع الجزايريين.
– بقالكم غير الفلاحة والسياحة هوما لي يخرجوكم من الأزمة.
– والبترول؟
-هاهاهاهاها, رول رول مابقات هدرة على البترول يا المهبو