على قهوة الطرفيك

.
صابر:
واش عمي بوعلام ما زالك تنشنش كيما عادتك
بوعلام:
اسكت برك الطرافيك داير حالة ما شي محال الفيستا اللي راك لابسها مطرافيكيا
صابر:
ما تقوليش حتى أنا مطرافيكي برك
بوعلام:
ارواح ادنى نفهمك. الدراهم اللي في مكتوبك ماشي محال انتاع طرافيك
صابر:
كيفاه هذي جديدة ما بقالنا غير الدراهم يصرا فيهم الطرافيك البارح كانوا يقولو الانتخابات فيها الطرافيك ولكواغط ما تهدرش، الزيت، الحليب، حتى الألعاب انتاع الدراري وين رانا بها.
بوعلام:
راهم يهدرو على 400 مليون مطرافيكيا وراهي تدور
صابر:
كيفاه نديرو باش نعرفوهم
بوعلام:
ما تقدر تدير والو عندك برك قالك دخل دراهمك في البنكا
صابر:
والهدرة انتاعك هذه ما فيهاش الطرافيك؟