بوقالات14

بختة‮ بن‮ ويس‮ يا شمس واش بيك ذابلة، علابالي بلي الحاج لخضر بهدلني ودارني في السيبلا، بصح إلا بيك الزين راني نفكر فيك، وإذا بيك الزهر ربي ما يتخلى عليك، وإلا بيك ننقص في الميزان غير شوفي حاجة أخرى تلهيك !
سيد‮ علي‮ كويرات
نبعث لكم أخباري في مشوار أزرق، يا ليام الزينة كي فاتت بلخف وعليها قلبي راهو يتحرق، أنا هو (علي موت واقف) وبالاك بسرّ الثورة تنطق، رجعت خضرة فوق الطعام بصح الحمد لله حب الناس ليا هو اللي صدق!
مصطفى‮ غير‮ هاك
نطلب ربّي الفتاح يعطيني نحل البيبان ونشوف الهناء و نرتاح، رجعت نبيع البصل بعدما كنت ناكل مع بلا حدود غير التفاح، درت (هاك وغير هاك) حتى دخت ودوخوني وماعطاونيش المفتاح، غلقوا عليا باب التلفزيون وقالو لي عييت بكري روح لوهران ترتاح !
مراد‮ زيروني
فارس‮ جميل‮ ومتعوّد‮ على‮ ركوب‮ الخيل،‮ قالوا‮ يعرف‮ مليح‮ منين‮ يقضي‮ صوالحو‮ بدون‮ ما‮ يستحق‮ دليل،‮ حتى‮ نهار‮ وقع‮ ما‮ لقى‮ أيّ‮ واحد‮ يسلكو‮ من‮ الغرقة‮ والتضليل‮.. وقالوا‮ مسكين‮ مراد‮ لعبوهالو‮ في‮ مسك‮ الليل‮!‬
صالح‮ أوقروت
يا زين ليام الصالحة اللي عرفتنا بالجمعي، ربي يخلي قناوي وقاسم اللي كفكفولي دمعي، بعدما قلت راهو جا الماء والناس عمرت وشربت وأنايا فقدت صوتي وسمعي.. بصح ما زال صالح أوقروت واقف وسامط واللي ما قنع بيا نخلص عليه أتاي من عندي ونزيدو نعنعي!