من أين لك هذا

أفادت خبارجية، نتاع زيط بيط، أن نائب رئيس بلدية ساحلية، تقع غرب وهران ، شرع في "التعراض" أمام الجميع، حتى زملائه في المجلس البلدي وبدا يتظاهر بالثراء الواسع الذي دخل عالمه بقدرة قادر،وهذا منذ توليه مقعدا في الإمارة التعيسة، وأضافت الخبارجية، أن السي المنتخب كان صرح جهارا و نهارا أنه سيجعل بلديته كاليفورنيا، إلا انه تراجع، وقال لهم "ما قلتلكمش كيما هاك قلت لكم نرجعها كيما مدغشقر انتوما ما سمعتوش مليح" ....واضافت مصادرنا الخاصة، أن نائب المير اشترى مؤخرا سيارة من نوع قولف اشتراها ب200 مليون على مزاج المعلمة نتاعه التي تزوجها مؤخرا ... ياوعليكم راهي تقولك الله يزيدك باش تشري ليموزين وتحو س بها في الكورنيش بصح فهمنا، من أين لك هذا ،بصح والله مارانا طلقيناك الدعوة فيها اللوش