شهر التوبة والغفران وبركات

وقال بحليطو: جاء صديقي الحمار يصرخ وينهق ويزعبط وهو يقول: ''راهو بان·· راهو بان''، فقلت: ''راك روطار صاحبي·· هلال رمضان بان أول البارح''، فقال: ''أنا نقصد السي بركات صاحب البركات الربانية، راهو بان مع هلال رمضان''، وقلت: والله غير فكرتني في ولد عباس·· كانت معاه هايلة·· كان ولد عباس وجمعي فاميلي والحاج لخضر هوما الشرية أنتاع رمضان· وأضفت: رمضان هذا العام جاء صامط، ما بق والو، فقال: بالصح هاهو ليك بركات اللي كنت تسأل عن غيابو باين عليه رايح يدير حالة· فقلت: واش رايح يدير بركات· فقال: رايح يفطر مع الزوالية في مطاعم الرحمة، فقلت: وعلاش ما خلّصوهمش في الحكومة؟ والله غير يستاهل قفة رمضان على حساب الشوفة· وقال: والله يا صاحبي أنت حابس وزاد عليك رمضان، وأضاف: أخشى أن بركات الذي جاء مع هلال رمضان يذهب مع هلال العيد·