تمجيدا تكبورت نوغرم نتغردايت

تمجيدا نوجانا نوغرم نتغردايت اتوبنى اسقس 1053 م 444 ه القرن فيد اكس امار نالشيخ بابا ولجمة دالشيخ باعيسى اوعلوان ابنان اعساس ابزان امار ايتوغ اغرم اقدى الرحبة، اما اعساس فيدسان اتوبنى العهد الشيخ عمي سعيد ادوسين سجربة اسقس 1492م 889 ه.
تمجيدا يضرى دس مناو اوسعان دفر اسغى نمناوت تدار انضانت فتمجيدا ،اوسع امدجارو يضرى اسقس 1998مان اناف اماس نتمجيدا اكس ندالمحراب. امزوار الصحن فيدسن اوط غال تمجيدا اما سن اضضنين اوسيند جاج نتمجيدا.
الصحن نتمجيدا اناف دس اقت اللوحةتورشاب ماروا اللونس يقضع جار اللون ادالي دوقهواجي اتواري دس مناوت الايات نالقران دالاحاديث. اماس نتمجيدا اناف دس يغلب نمودان اطفان لغروفات اتوبنان سوضغ دتمشمت دالجير دوزرار دجدي دتغدوين دتمولاف تمجيدا اناف دس انشان نتزاليت نتسادنان اتاف غال دس يوسد يدجوج سونشان نوتاف نرجازن .
اناف دس دخ سنت لمحاضر بلحسان دالساسي دتم نوسباغ نلضوء اديوس فدس نتمجيدا ، الميزة الان اغلان دين ازون جار الطهارة دنجاسة مان انشان نورزى نلضوء اتناف ازغار نتمجيدا. اكومارادوسين تمنايت نتمجيدا اتوخصص ايعولة نتين اتاسان سلحبوس اما تغرغرت ايتزاليت نتسمسين دتنضاس ، توستعمال وسان نونفدو دالحمان القران اتوعزام شارد نتشا لاوس اما يور نوزومي اعزام نالقران يدجور سوس نومزوارال اسان امزوار نالعيد ابزان .