بلزرق يقضي على بلحمر

بقلم: الشيخ النوي
-واش بيك اليوم يا بليس؟
-ما بيا والو واش راك تشوف فيا نقطع في حوايجي؟
-لالا وجهك راه مصفار.
– مصفار؟ سميني بلصفر واخلاص تتهنى.
-فكرتني في بلحمر كاش خبار عليه؟
-تحوس على الصح والله غير خلات عليه لي كلاها بلحبة يخلصها بالعنقود.
-كي العادة كلام غير واضح فهمني يرحم والديك.
– اول مرة تعجبني القيادة العليا في الجزائر.
-علاش كاشما اعطاتك وقيل؟
-لالا ما نحتاج منها والو، الشي لي عجبتني فيه هو انها قررت محاربة ظواهر الشعوذة والتخلف ولو انها جات روطار بصح مليح.
-وكيفاش عرفت؟
-صاحبك بلحمر رايحين يطرطقوه على ايامات.
-بلحمر برك؟
-لالا بلحمر بلخضر بلبيض بلكحل الشنفرى الغدنفر ما يخلو والو يبقى فيها غير بلزرق.
-شكون هذا بلزرق.
-بلزرق نقصد الشرطة يا الحابس القانون.