إيوزاط انواعرابن ورعان اتربان ذي لوراس امقران

ثتواشهر الولايث انلوراس امقرانت باثنت سلباس نتغاوسوين نلفلاحث سيرتو اربي نقوزات انواعربان ماني اتوسا باثنت نتاث تامزوراروث ذي الولاياث نالدزاير كامل،خاطر غرس لباس انلعوام ونتاث ثطهلا ذي النوعاي انلفلاحث.
ويتاسد اربي نقوزات انواعرابن ذقمزواروا نلهتماماث نلعوايل سيرتو ثيا اقلا ورعان تعاشنت ذي الدواور انباثنت ذي البلدياث ناريس، مروانة، ولاد عمار، كيمل ، ثيمقال ...الخ، ماني ابنان ثقشونين تمزيانين واداوين ثقوزات تيمزيانين واهنتربان بغير اذقعمرنت واذولانت اتارونت ثملالين.
ويسلق الجرنال ن»الشعب»، ذي قلي نتمورا اقلا ورعان اطهلانت ذي اربي نقوزات انواعرابن ماني انوفا بلي لعوايل انلوراس امقران تحافظنت فإقوزاط اقلا تارون ثملالين انواعرابن، وتربانهنت ذي الدواور، انيغ حتى ذي ثدار اقلا أقعمرنت مليح، وغرسنت لاطيراس، خاطر ذيسنت الخير ذأمقران، امين إغننا بوحة، اقلا يتروحا كل الحد السوق أمقران نالتوتة بشام اذزنز ثملالين نتقوزات انس أقلا يترباهنت ذي اقربي انس، ويطهلاي ذيسنت مليح.
يقار الحاج بوحة بلي ثملالين أنوعرابن ذيسنت الخير ذامقران سيرتو وأقلا ذامريط لازم أهنتيتش سقيتش نزيت زيتون وأذراح سيتو ذي إقيط قبل مهظطس، بشرط لازم أذيسش أغلانسنت أمان قوح، بشام أذخذمن لخذمت انست وأسراحنت وهنتسوين سلمراش نسميط، سطوراث نعديس، لهوى ولباس نتغاوسوين.
ثملالين أنوعرابن ثاني أحلانت مليح إثمزورث، ماني لازم أتتش سنت نتملالين كل ثصبحيث فلفرغان، خاطر نهنتين هتفوكن مليح بشام اترفذ صحث أنس واتراح زيك زيك، ونناس مامك إثتربيذ ثقوزات ينانغ بلي يساغهنتيد تمزيانين تفوليسن ومنبعد يتراهنت ويتوتشاسنت لماكلن ويتقاسنت قلي نقربي، بغير اذقعمرنت، ويتويسنتيد لحشيش، وقلي قلي تولانت تاونتيد ثملالين، أقلا اتحواسن فلاسنت يوذان سقمكان غنمكان، خاطر ثيست الفوايد تمقرانين، امين إقارن إطبيبن نالوقثاي.