تسرس الحكومة اقن وهيل نوسلف نقن اوغرم دجديد ازغار مان مدان

اغرم نالمنيعة يوسد اقت 270 كلم غال وداي نتغردايت . اسقس 2007

امرشيد نوغرم اجديد المنيعة - تغردايت
الان اسودجومام غال اماروا باش ادبدان اخدام دس اسقس اتاود اسقس.
اغرم اجديد انلمنيعة يوسد اقت مراو نالكيلومترات غال اوجانا 070 كلم اداي نوغرم نتغردايت.
المساحتس اقت الف هكتاردس قاع التاولات نتمدورت انتدار نتزمار دغربازن . اهيل نالبنيان االان وجدان دس 50 الف نتدار اتوبنانت سالهندسة نالبنيان نتنري فلحساب نالحالة نالحمان ادصماد سالتاولات نالبنيان الان الصحراء.
يلا اتوسودجام اديلي اغرم اجديد ادشمراقت 30 الف نمدان سا غال 2020 م .اسوي نوغرم ين اسمنكز نالدرك الان فوغرم اكبوردسلي نقن اوغرم دس قاع انسحقان مدان تمدورت خصان اغرم اكبورالان اولنجمان اتحكمان دس فنجال نورني نمدان دالبنيان ادج يغلب نتمشراس فالبيئة.
اغرم اجديد يوسد ابريد ازعلوك اتقنان جار التل دالصحراء ادرزم تورى اوخدام امكراس ددباب نالحرفات دوس غرس اقت المهنة امار الان اتوسرساس دس اقت تشموست ايتزعلك ندرمان ايفايدت موس ادنده امرشيدو سا غال 2020.
انغلاف نوعمار عبد المجيد تبون اند بل دفر ازول نومرشيد نغرمان اجديدان غال تنغلافت نوعمار اتوغان فوس نتنغلافت نالبيئة ادج الحالة اتمعالت ادبدان اخدام بعد اتوغان امرشدنو توزونن جار مناوت الجهات يج ابدى نوخدام اتبونوض دسقسان.
اونسونجم بل الان مناو امرشدان اضنين نغرمام دجديدان دزيز انغرمان نسيدي عبد الله دزير بوينان البليدة اغرم اجديد نحاسي مسعود .