بوقالات5

كريم بوسالم الطبق بين عينيا ونحلم بالخاتم بين صباعتيا، والغريب اللي راح زمان يرجع ليا... والله ما نخلّي بلاصتي في النشرة حتى يتغمضو عينيا..
*
عبد الرزاق بوكبة
*
يما يما ديريلي تويقة في وسط الحديقة، باش نشوف زهري كي تجيبو ذيك الوريقة، الله هو الرزّاق بصح ماعليش ناخذ من شهريتي... (تسبيقة)!
*
*
نافع الجندي
*
مزين القمر بضواه علينا طالع، ومزين الإنسان اللي في قلبو جامع، ومزين النجوم كيما الياقوت مجمع، ومزين اللي ربي عطالو جندي نافع!
*
*
سفيان الجزائر شو
*
أمك ولداتك ورباتك، ومعزّتك عندها غالية، في البهجة درت اسمك ورايتك فيها عالية، وفي التلفزيون طاحت بيك وراحت أيامك الزاهية، وبعدما كنت باشا رجع اللي يشوفك في دقيقته يتغاشى!
*
*
الطيب صراحة راحة
*
شجرة ياسمين نايضه في وسط الغرفه... عروقها سنجبير وغصانها قرفه... والله ما ننساك يا زين الوقفة، سواء جيت تصارحنا من فرنسا ولاّ كان أصلك يا خويا من الجلفة!