الوريدة

نحمد ربي عالبلا والمسرات
ناس بليدة خالقي يتولاهم
يا ربي هذا الوبا حط رواڤات
غيّم دار حيال عنهم غطاهم
محنة كورونا على ناسي ونّات
لا من ياتينا ولا من يصفاهم.
يا لبليدة عندنا فيك اوليدات
نتمنى تصحى الحالة نلقاهم.
يا لبليدة عندنا فيك خيّات
نطلب مالمولى العالي يرعاهم.
يالبليدة فيك لينا ذكريات
نتفكّر منها أيام اشتقناهم .
يا إلهي غيثهم واقبل دعوات
ضعافا هربوا لرحمة مولاهم.
أمرك ( كاف ونونها) صبّت وصحات
برّ الورد يفوح من صحو سماهم .
حب بليدة وحب كل الولايات
كنز محبة غاليين ونهواهم .
يا وطني ماذا تصدّيت لمحنات
في تاريخك ذ الخصايل نقراهم .