على قهوة:

عاش ما مكسب مات ما خلى
صابر: عمي بوعلام خلاص العام 2010
عمي بوعلام: كل شيء يخلاص ويبقي غير
لله سبحانو ؟
صابر: سبحانو لكن قولي درت البيلون ديالك؟
عمي بوعلام: وش من بيلون يا وليدي حنا ران عايشين
ابو بري عمي بوعلام بصح وش راك تستني من العام
الجديد عمي بوعلام وهو يرتشف قهوته الصحة برك والعافية
يك راك عارف عمك العفاف والكفاف واالي جابها ربي
مرحب بها
صابر: بصح قولي وش تتوقع العام في العام 2011
عمي بوعلام: وش حسبتني مادام سولاي او المعهد
العالي للدراسات الاستراتيجية؟
صابر: بصح قولي برك وش تتوقع انطلاقا من تجربتك
يك ايقولو اللي فاتك بليلة فاتك بحيلة
عمي بوعلام: شوف نقدر انقولك على المسوى الوطني
يزيد الغلاء واللي كان يشري كيلو يولي سشري نص
كيلو واللي كان يشري رطل يلوي يشري نص ارطل
واللي مكان يشري رلك عارف يبقي قي بلاستو وهكذا
دواليك هذا على الصعيد الوطني اما على الصعيد
الدولي فان العرب يضربو النح وايولو يحشمو يهدرو
على القدس اما على الصعيد الرياضي فمحاربي
الصحراء بالك ايديرو النيف ويربحو المروك ويزهو لبلاد
والسلام عليكم وفي هذا القدر كفاية وكل عام وانتم بخير