بوقالة سكوب

برج الحمل
مع الشمس الصبيحة عيني شافت لبعيد. فارس من الثنية جاني نهار العيد. طلبت ربي يحن عليا وحققلي حلمي الوحيد
برج الثور
شفت الزين بعيني واش يصبرني عليه ابكيت على سنيني اللي فاتت بلابيه الحبيب اللي يبغيني ليا ربي يخليه
برج الجوزاء
قولوا قولوا والقول في عينيكم انا اديت الخمري وعشرة في عينيكم

برج السرطان
سقاني من كاس الدهب خلالي كبة في القلب والله اللي ما آمن بالغرام يطول الزمان ويجرب
برج الأسد
الخمري يالخمري يا معجوني في الكاس أنا نحبك ونبغيك واش عندي في الناس
برج العذراء
كبشي مديتو والسميد وجدتوا ادا كتب المكتوب غير أنا اللي ندخل بيتوا
برج الميزان
دارنا علات وشمسنا ضوات والطفلة اللي نحبها راهي جات وهي لالة البنات
برج العقرب
نحبك قد العسل وحلاه وقد الدهب وغلاه وقد السماء وعلاها
برج القوس
روح يا الطير وصل سلامي للزينة في اوراق التشينة قولها مازالك في القلب ديما

برج الجدي
سمرة ياسمرة راهم عايروني بيك نخرجوا اللساحة نتضاربوا واللي يغلب يديك

برج الدلو
احمد يا احمد ارواح تشوف حالي راني مثل الحزينة اللي ما عندها والي

برج الحوت
اكي طلع القمر اخرجت ليه نجري صبت عليه المطر فرشتلوا حجري اتلم الغدير هداك ما جاب زهري