هذا أصلي

يا سايل عن أصلي أرواح نوريك
نعطيك أوصاف لي يعرف معناها
نايلي معدن صافي كلامي نهديك
بالصلاة والسلام على النبي نبداها
تربح الفايدة يا من صليت على نبيك
الكلمة الزينة زاد جيوبك بيها املاها
أنا ملطوم بكلامي خايف نعطيك
والكيا جات من لي عندو مانستناها
لا تفرح لدنيا بعد ما تكون مليك
وقداش قبلك غراتو راح وخلاها
الدنيا غرارة يا بنادم وتعييك
يا غالط لعمر فاني ايامو عديناها
ما تعرف الربح منين يجيك
ساعة ظلما وساعة تمتعنا بضياها
ساعة هبطا وحدورها تجريك
وساعة عقبا تقطع رقبت لي يصفاها
واحد حكيم بكلامو يداويك
اذا تحدث الروح عندو تنساها
لاخر بعياطو كثر وزاد عليك
ما فهمنا كلمة منو من لي قلناها
واحد كي الصابة قمح وفريك
ترضي من شافها العين تملاها
لاخر عجرودة الله لا يبليك
حتى الطير ما يطمع في لقاها
يا طامع في دنيا بكلامي نوصيك
لي يرضاها خاطرك تعناها
حال الدنيا وبحوالها تلعب بيك
وما يطيق عليها غير ربي مولاها
يا سايل على قايل جمال مساميك
بوسعادة شايع سماها
كردادة وعزالدين جبالها ذيك
فرجاوي عين قراب غير حذاها