ياسايل عن أصلي

يا سايل عن اصلي ارواح نوريك
نعطيك اوصاف لي يعرف معناها
نايلي معدن صافي كلامي نهديك
بالصلاة والسلام على النبي نبداها
تربح الفايدة يامن صليت على نبيك
الكلمة الزينة زاد جيوبك بيها املاها
انا ملطوم بكلامي خايف نعطيك
والكيا جات من لي عندو مانستناها
لا تفرح لدنيا بعد ماتكون مليك
وقداش قبلك غراتو راح وخلاها
الدنيا غرارة يا بنادم وتعييك
يا غالط لعمر فاني ايامو عديناها
ما تعرف الربح منين يجيك
ساعة ضلما وساعة تمتعنا بضياها
ساعة هبطا وحدورها تجريك
وساعة عقبا تقطع رقبت لي يصفاها
واحد حكيم بكلامو يداويك
اذا تحدث الروح عندو تنساها
لآخر بعياطو كثر وزاد عليك
ما فهمنا كلمة منو من لي قلناها
واحد كي الصابة قمح وفريك
ترضي من شافها العين تملاها
لآخر عجرودة الله لا يبليك
حتى الطير ما يطمع في لقاها
يا طامع في دنيا بكلامي نوصيك
لي يرضاها خاطرك تعناها
حال الدنيا وبحوالها تلعب بيك
ومايطيق عليها غير ربي مولاها
يا سايل على قايل جمال مساميك
وطني بوسعادة شايع سماها
كردادة وعزالدين جبالها ذيكفرجاوي عين قراب غير حذاها