بوقالات4

حمراوي حبيب شوقي غلقت بابي في ساحة الشهداء دفة على دفة، ولميت فراشي لفة على لفة، أنا عندي ليتيمة شمعة ضوّاية عمرها ما تطفى، وأنا وحبابي فيها نعيشوا حتى لعمار تفنى واللي كرهنا يا ربي منشارو يحفى..
*
السيدة ليلى
*
بنت السلطان عليها ثلاثة خطاب، الأول فارس الفرسان، والثاني كاشف الألحان، والثالث يتمنى ترجعيلو في يوم من الأيام، بصح شكون منهم يرجّع (ليلى) نتاع زمان؟!
*
*
حفيظ دراجي
*
أنا (في التلفزيون) مهري غالي، اللي يحب يديني يحسب النجوم ويسهر الليالي، ولي يبغيني يبنيلي قصر في العلالي، ماشي يطلعني فوق ومن بعد في رمشة عين يرميني ويقول واش غيّر أحوالي؟!
*
*
عز الدين ميهوبي
*
عندي صندوق الذهب تودرلي مفتاحو، كل مانتفكرو يرفدوني رياحو، الإذاعة بقات كيما هيا، الناس هوما اللي قساحو!
*
*
سليمان بخليلي
*
جابولي المصحف مغلف في وراقوا، وأنا والقرآن في بلاد وحدة بصح القلب في رمضان مشتاقو، حنا هوما اللي فرسان، أمّا (ألحان وشباب)...ياو فاقوا!