ساعف يا قلبي الحال

الشعر الشعبي

ساعف يا قلبي الحال وسير
وارضى بالّلي جايا منها
وش ما جا منها نڤولو خير
استر جرحك لا تڤول نفط .
تتڤالب ليّام خير وغير
تدّاول زينة و مشينها
هذا طالع ذاك ڤاع البير
حرث الدنيا راه خط بخط .
اسعى ياخويا ودير الخير
تربح والمولى يليّنها "
الرّاذل يزهى يعود يطير
مهما يتعلّى نهار يحط .
من يهمل فيها بلا تدبير
ما يوصل طمعو لمكمنها
يتشابك همّو العقل يحير
يتشغّب منها القلب يفط.
إذا عطفت هات وين دير
الدّفلة فالفم ما ابننها
واذا عكست شيبت ليشير
طعم الشهدة بنتو تسمط .
اتمهّل ياصاحبي فالسير
تقدير العالي مضمّنها "
الدّنيا مكتوب وش يصير
تضياڨ وتوساع لا تقنط.