هذا العام التالي

الشيخ النوي
-كاش ثلج جيهتكم يا شيخ.
-كاين خيرات الله يبارك.
-هيا يا سيدي كيما كنت تحلم وتتمنى راه جايكم غير الخير.
-إن شاء الله يا بليس. رانا متمنيين الخير ومتفائلين بصح الخوف يبقى كاين.
-واش من خوف قولي منين راك خايف؟
-ايه راك تعرف ماعندناش الزهر وحساد بلادنا بزاف وهذا لي خلانا نخافو.
-يا واخطيك من الخرطي وبركاك من التهمبيل واش راكم باغيين اعطاكم ربي بلاد جنة في الارض العالم كلو حاسدكم صح, الشر والخوف منكم انتوما.
-كيفاه الشر منا احنا؟
-ايه كل شير اهو في يديكم والراي رايكم اذا درتو النية وحبيتو تخرجو من النفق لي راكم فيه ربي يسهللكم وتقدرو تديرو المعجزات اما اذا مازالت عقلية الهمهم وتخطي راسي والله يسهل وانا خاطيني رايحين تدوها للواد وتفروها في رواحكم وساعتها مايسلك لا المصلي لا تارك الصلاة.
-كلامك كلو الغاز يا الملعون.
-ماكان لا الغاز لا هم يحزنون بالمختصر المفيد هذا العام التالي إذا ما ركبتش القاطرة في الراية تبقى على خير يا عقلي.