حب خيالي

خايف عليك ايلا تدخلي فذاك الكتاب اه يا ويحك كتاب عنوانه حب خيالي وانت الي تألفيه بروحك
يا بنت الناس اسمعيلي انا قصدي باش ننصحك
نتمنا برك تسمحيلي على ذا الكلام ايلا جرحك
وياك يقولوا اسمعي للي ايبكيك وقصدو يصلّحك
وما تسمعيش لهذاك الي يضحكك غير باش يربحك
ولوكان ما جيتيش تعنيلي ولوكان مانحبلكش صلاحك
انخليك هكذاك تكملي حتى تطفريها في روحك
فهاذ الدنيا كاين الي يجيك فالاول مليح ويضحك
او تلقايه فيك متهلي باش يجبدك وفيه يطيحك
ولتما تولي تحسي كلي انت حمامة وهو جناحك
ولا ولية وهو الوالي ولا دار وهو سطاحك
ولا مسجونة او تاملي بلي فيدو يكون مفتاحك
هذاك هو الفارس الي راهو جاي يطلق سراحك
بعدا لتما تبداي تعملي المستحيل وتنحي مروحك
او تتمناي باش تكملي معاه حياتك وتدير فرحك
تفوت ليام وتفوت الليالي و مع الوقت تلقاي روحك
كيف الوردة غير تذبالي أو تيبسي وتروح ريحك
حتى مع الآخر تدخلي فذاك لكتاب آه يا ويحك
كتاب عنوانو حب خيالي وانتيا ألي تألفيه بروحك
تأليف فيصل كرشوش كل الحقوق محفوظة